ថ្ងៃនេះ គឺថ្ងៃអាទិត្យ ១០រោច ខែទុតិយាសាឍ ឆ្នាំមមែ សប្តស័ក ព.ស.២៥៥៩ ត្រូវនឹងថ្ងៃទី៩ ខែសីហា ឆ្នាំ២០១៥ ព្រះឃោសធម្ម ញ៉ែម សុភ័ក្ត្រ ព្រះរាជគណ:ថ្នាក់ទោ ព្រះបាឡាត់គណខេត្តកណ្តាល ព្រះអនុគណក្រុងតាខ្មៅ នាយកពុទ្ធិកវិទ្យាល័យ ប៊ុន រ៉ានី ហ៊ុន សែន"ក្រពើហា" និងជាព្រះចៅអធិការវត្តប្រជុំនទី"ក្រពើហា" សង្កាត់ព្រែកប្ញស្សី ក្រុងតាខ្មៅ ខេត្តកណ្តាល សហការជាមួយរដ្ឋបាលដែនដី មានលោកអភិបាលនៃគណ:អភិបាលក្រុងតាខ្មៅ និងចៅសង្កាត់ បាននិមន្តចែកនូវទេយ្យទានជាអំណោយមួយចំនួន រួមមាន ភួយ មុង ចាន ឆ្នាំង ចង្រ្កាន មី ត្រីខ អង្ករ ស្កសរ ទឹកក្រូច និងបច្ច័យចំនួន៥ម៉ឺនរៀល ក្នុង១គ្រួសារៗ ជូនដល់ប្រជាពលរដ្ឋ ដែលទីទាល់ក្រលំបាក ចំនួន៣៥គ្រួសារ ស្ថិតក្នុង៣ភូមិ គឺភូមិព្រែកតាពៅ ភូមិស្ទឹងជ្រៅ សង្កាត់ដើមមៀន ភូមិព្រែកប្ញស្សី សង្កាត់ព្រែកប្ញស្សី ក្រុងតាខ្មៅ ខេត្តកណ្តាល នៅវេលា ម៉ោង២:០០រសៀល ក្នុងបរិវេណវត្តប្រជុំនទី"ក្រពើហា" សង្កាត់ព្រែកប្ញស្សី ក្រុងតាខ្មៅ ខេត្តកណ្តាល ។
